Sponsor a school details

జిల్లా పరిషత్ ఉన్నత పాఠశాల దత్తాయిపల్లి గ్రామము దత్తాయిపల్లి, మండలము తుర్కపల్లి (యం) జిల్లా యదాద్రి భువనగిరి పాఠశాల యందు జంగిటి కృష్ణ ప్రధానోపాధ్యాయులుగా 11 మంది ఉపాధ్యాయులతో బాలికలు 94 బాలురు 96 మొత్తం విద్యార్థులు 190, విద్యార్థులకు భోధన నిర్వహించబడుతుంది. పాఠశాల పూర్వ చరిత్ర 1994 -95 విద్యాసంవత్సరం నుండి దత్తాయిపల్లి లో గల ప్రాధమికోన్నత పాఠశాల విద్యార్ధులను వేరే గ్రామాలకు వెళ్ళకుండా దత్తాయిపల్లిలోనే విద్యాభ్యాసం కొనసాగించేలా గ్రామ పెద్దలు ఉన్నత పాఠశాల నిర్మాణానికి పూనుకున్నారు. సుద్దాల దక్షణామూర్తి గారిచే 1 ఎకరం స్థలం పాఠశాల నిర్మాణానికి ఇవ్వబడినది. గుడిపాటి ఉపేందర్ రెడ్డి గారు జపాన్ వారి FICO సంస్థచే Masaherokawai గారి ద్వారా 1994-95 లో నాలుగు గదులు నిర్మాణం గావింపజేశారు. 1998లో గుడిపాటి ఉపేందర్ రెడ్డి గారు తిరిగి జపాన్ వారి FICO సంస్థచే Makishima గారి ద్వారా నాలుగు గదులను నిర్మింపచేసారు. అందుకు కృతజ్ఞతతో Makishima గారి విగ్రహం పాఠశాల ముందు స్థాపించడం జరిగింది. పాఠశాల భవనానికి Makishima గారి నామకరం చేయడం జరిగినది. గ్రామ పెద్దల సహకారంతో విద్యార్ధుల నుండి కొంత రుసుము తీసుకొని విద్యావాలంటీర్ల ద్వారా పాఠశాలలో భోదన నిర్వహించబడినది. 1998 నుండి ప్రభుత్వం వారిచే ఉపాధ్యాయుల నియామకం ఈ పాఠశాలకు జరిగినది. 2011-13 సంవత్సరములలో ప్రభుత్వం వారిచే భవన నిర్మాణం జరిగినది. అందులో ఒక గ్రంధాలయం, ఒక ప్రయోగశాల, ఒక కంప్యూటర్ ల్యాబ్, మూడు తరగతి గదులు నిర్మింపబడినవి. పాఠశాల ప్రారంభం నుండి ఈ క్రింది ప్రధానోపాధ్యాయులు నిర్వహించారు. 1. 1994-2001 -శ్రీ. బి. నర్సింహ్మా రెడ్డి గారు. 2. 2001- 2005 -శ్రీ. యం.వి. యన్. చారి గారు. 3. 2005-2012 -శ్రీమతి. వి. మాలతి గారు. 4.2012-2017 -శ్రీ. వై. రమణా రెడ్డి గారు. 5. 2017-2018 -శ్రీమతి సి. హెచ్. భవాని గారు. 6. 07.07.2018 నుండి శ్రీ. జె. కృష్ణ, గారు.